صدك تقبل حبيبي لغيري هسة تصير
وصدك مليت مني وبعد متحبني
صدك هانت عليك سنينة الحلوات
وما هانت عليك شلون تتركني
شجاك تغيرت وبكلبك انت شصار
جنت تموت بية وجنت تحبني
وجنت اتنفسك وانت الهوه بدنياي
وجنت لو تبتعد لحظات ..تخنكني
معقولة الورد ينكر جميل الماي
وانت بهالسهولة تنازلت عني
ما انكر امقصر اجت فترة وياك
لكن مو بدية الوكت يجبرني
شفت يمك نفط وابين ايدك الماي
واني بناري اشتعل ردتك تخلصني
لكيتك بالعكس ..مايك شمرتة بعيد
وجبت النفط بيدك حتى تحركني
شسولفلك بعد ؟! طعم السوالف راح
ردت منك توافي وخيبت ظني
ادري الوكت هوة الي خلة كلبك هيج
وقبل لاتبتعد عندي سؤال ارجوك
فكر وية روحك وعود جاوبني:
باجر لو متت وتشوفني بتابوت
هم تبجي علية وبعد تذكرني ؟..
اتمنى ان تعجبكم
الصامته
|