تمنيتك فرح وانسه شكثر احزان
بس ما ظنيت منك تكثر احزاني
تمنيتك مسافه من الدمع للعين
اخلصها بوجودك اوختم اشجاني
تمنيتك قصيده من الالف للياء
اكتبها بسلاسه وابد ما اعاني
تمنيتك تحن وتكول هذا انسان
حباك وتعذب مو شخص ثاني
تمنيتك سؤال وحله انت تكون
تقاسمني دمعتي بزمن بجاني
وتمنيت بلهفة عاشك ومعشوك
ولا لحظه بحياتك سهوة تنساني
كثرت امنياتي وثقلتها عليك
بس ما اريدهن منك بعد اني
مشنقت العشك كصت هواي قلوب
وكلبي اليوم ملني وهوه كصاني
مل من عندي حقه ما فرح فد يوم
عفته سنين وحده الوحده يعاني
وداعا يا كلب مو مني كل الصوج
واحجي شما تريد انسدت اذني
|