اذا مااحبك انت اشلون احب الناس
يا أول غرام بزغري وبكبري
واذا ماأشوفك انت اشلون اشوف الناس
واني بغير شوفك بي قصر نظري
حبيتك سهر وايامي غابت ليل
... وبس وياك اسهر يابعد عمري
اذا مو الك اكتب ماأحس بالشوك
واني علمودك اكتب بشعري
جربتك اهواي وشفتك اوفه الناس
يا أول حبيب اتحملة قهري
اسألني بحياتي شكد تمررجال
ليش انت الوحيد الباقي بفكري
وسألني ابحياتي اشبيهة من هموم
ليش انت الوحيد الباقي بصدري
يا اجمل محطه البيهة كلبي ارتاح
يانهر الحنان بالقلب يجري
تغفه عيون ويامه ويامه نامت ناس
واني ويه الاشواك ملتهية بسهري
اقرب من اشوفك واحترك مرات
واحسب من بعيده ويختنك صدري
ويمر طيفك هوه واحتار اشمه منين
وشكو احلى بعمري من الهوى العذري
وتسئلني احبك اي احبك والله
بس ليش احبك صدكيني ما ادري !!؟
|