: أذا رايد تجيني وياك جيب الروح
أخذهة الشوگ عندك يوم الأمشيت
جيّتك عيد وعيوني يتامه أصغآر
فرحتهن چبيرة بشوفتك لوجيت
رحت لكن خذت وياك معناي
منصة بلا قصيدة بغيبتك ضلّيت
لتهدني وتدير الوجه عني تروح
ينطروني الشماته وبيدهم چكليت
سالفتي بحلگ صحباني والنـاس
حتّة أمّي معاهـم ضنّت أنجنّيت
جرح بيّة چبير وتدري شيگول
نص ديني أكمّل رايد وبيت
گد الشوگ نادوني البعض يعگوب
متوهمين مايدرون بيّه أكثر مواويل
يعگوب أنعم الله وعنده تذكار
بس آنة شأعاين من يطرني الليل
صحت صيحة قهر من يوم فرگاك
أنعجب بالصحية حتّه الملك إسرافيل
هيچ بدون صوتك من يمر اليوم
سچة وبالغصب مشّوا عليه الريل
عشت عمري أكآبر رافع الراس
بس هسه إعترف مابيه كل حيل
سجّيل بحلگ شمّاتي الحچايات
عام البي عفتني أعتقد عام الفيل ؟